Teoría King Kong
A segunda obra que
escollín para a miña lectura foi Teoría King Kong cuxa autora é a francesa Virgine
Despentes; que ademais de escritora e novelista, tamén e directora de cine, pois
dirixiu e guionizou xunto con Coralie Trinh Thi unha película baseada nunha das
súas novelas. O libro que nos ocupa lugar, foi publicado por primeira vez no
ano 2018 en lingua francesa.
Se por algo se
caracteriza Teoría King Kong, é porque a autora emprega un discurso
mordaz, sen tapuxos nin dramatismos e con matices punks. Cando comezas a
primeira páxina, a linguaxe xa te engancha porque semella que deches con algo
diferente: “Escribo desde la fealdad, y para las
feas, las viejas, las camioneras, las frígidas las mal folladas (…), todas las
excluidas del mercado de la buena chica”.
Despentes ao longo
dos capítulos do seu ensaio, comparte as súas reflexións e plantexamentos
feministas de forma sinxela e clara, moi afastada deses discursos de corte
intelectualistas que estamos acostumadas a ler no ámbito universitario. Ademais
dos seus plantexamentos, a obra tamén conta con elementos autobiográficos da
autora sobre os que reflexiona; narrando o que supuxo para ela sufrir e superar
unha violación, así como o período durante o cal exerceu a prostitución.
No inicio da obra, fai
fincapé, en todos aqueles aspectos que a sociedade considera negativos para as
mulleres e nos afastan dos moldes desa suposta “feminidade”; para posteriormente, reflexionar sobre os
roles e o sistema capitalista dun xeito moito mais extenso e crítico (co cal non podo estar mais dacordo), abordando temas que non son descoñecidos para ninguén: os
roles que se nos esixen, a mitificación da maternidade… Se tivera que poñer algún pero aos primeiros capítulos da obra, sería o feito de sinalar ás veces en exceso ás propias mulleres como culpables, partícipes do sistema. Un exemplo disto reflíctese no seguinte parágrafo:
“Ya sea mientras andamos por
la ciudad o cuando vemos la MTV o un programa musical en la primera cadena (…)
nos asalta la explosión del estilo super-puta, por otra parte muy favorecedor,
que adoptan muchas chicas. Es una manera de disculparse, de tranquilizar a los
hombres: <<mira qué buena estoy, a pesar de mi autonomía, de mi cultura
de mi inteligencia, lo único que quiero es gustarte>> parecen gritar las
niñas en tanga. Tengo la posibilidad de vivir de otro modo, pero he decidido
vivir alineada a través de las estrategias de seducción más eficaces”
Tilda en certo
modo, de alienadas ás mulleres que representan uns estereotipos nos medios de
comunicación, pero mais adiante fala dos seus anos de prostituta como
empoderantes, o cal é canto menos contraditorio. De todos os xeitos, nesta
crítica ao sistema liberal por parte da autora, está moi acertada en enfatizar
que a alianza entre machismo e capitalismo non só prexudica ás mulleres, senón
tamén aos homes de clase obreira (aínda que non na mesma medida). Se a nos se nos esixen uns roles e uns
deberes como manternos no ámbito doméstico e seguir tendo fill@s útiles para a
burguesía e a perpetuación do sistema; eles tamén deben cumprir cas expectativas
sociais de “home” (valentía, enteireza, virilidade, pouca sensibilidade, non expresar
os sentimentos..). Reflexiona tamén sobre o positivo que sería que os homes se implicasen mais na crianza d@s fill@s, para educar e participar no proceso de deconstrucción patriarcal das vindeiras xeracións. Aboga por unha revolución de xéneros e en contra do sistema.
Adentrándonos nos
aspectos autobiográficos, o que mais marca do libro é o referente á violación sufrida
pola autora; non só polo feito de que conte que foi vítima dunha violación,
senón por como narra a súa superación. Cando relata o suceso, faino de forma
natural e sen dramatismos, do mesmo xeito que esa desdramatización lle serviu
para poder avanzar e superalo. Despentes manifesta que aquilo que mais lle
axudou foron aspectos tales como a lectura dunha obra cuxa autora tamén fora
vítima, verbalizar o seu suceso, sentir que había mais mulleres que pasaran polo
mesmo (aspecto moi invisibilizado)…. e que pese a todo, non había motivo para non avanzar. A autora comparte
aquí como idea fundamental, que a sociedade culpa e dubida de primeiras, do
relato dunha muller violada. Semella que se estamos vivas para contalo, é que
entón había parte dese consentimento, pois a propia “dignidade de muller”
faríanos pelexar ata a morte para evitalo. Por outro lado, no caso de saír
vivas, tras un suceso tan monstruoso, deberíamos limitarnos a estar mortas en
vida, para así poder demostrar a veracidade do noso relato e abandonar toda
opción de reconstruírnos. Despents rompe con estes supostos. Si, sufriu unha
violación e iso non lle impediu seguir coa súa vida, por moito que aquilo lle
afectase. Quédome cunha das súas frases que é un bo exemplo disto: “hice
autostop, fui violada y volví a hacer autostop”.
Nos puntos que mais
discordo coa autora, é respecto á súa postura sobre a prostitución e a
pornografía. A autora conta que exerceu a prostitución de forma libre,
contactando ela mesma cos clientes. Defende que non existe diferencia entre o
traballo asalariado e a prostitución, chegando a afirmar que esta incomoda á
burguesía, pois ameaza con romper o matrimonio, así como a ética e a moral tradicionais. A
dicir verdade, considero que os intereses da burguesía non residen na ética nin
na moral; se a prostitución afectara os seus verdadeiros intereses xa estaría
erradicada, é mais, as cuantiosas cifras económicas que move a prostitución non
indican que sexa algo que incomode ás clases altas, basicamente porque os homes
burgueses, tamén consumen prostitución. É certo que debemos escoitar ás
prostitutas, pero a todas. Semella que as que teñen voz sempre son, en liñas
xerais, brancas e occidentais, as cales non estiveron subordinadas a ningún
tipo de xerarquía (ou na rúa) e que o describen como algo empoderante, mais as
cifras están aí. Dicir que as violacións non existe (pese aos datos que
coñecemos) porque a min nunca me violaron é o mesmo absurdo; falar desde a
propia experiencia non sempre é representativo de todo un colectivo. Incomódame
tamén o lavado de imaxe dos seus clientes, descritos como homes fráxiles,
débiles, con problemas e que só buscaban alguén que os escoitara (coma se non
existise a psicoloxía para este tipo de problemáticas). Outro dos argumentos
que emprega a autora, é que a prostitución é unha analoxía do matrimonio
heterosexual tradiconal, pero coa diferencia, que na prostitución a muller beneficiase
económicamente do seu propio estigma e mantén a súa independencia. Baixo a súas
premisas e usando asúa mesma lóxica, esquece que cos seus mesmos argumentos pódese defender que esas
mulleres casadas ás que tanto xuzga, tamén contraeron libremente o matrimonio. Nunca
defenderei o feito de xuzgar ás prostitutas (se non ao sistema que se beneficia disto),
nin de falar por elas e moito menos de tratalas con condescendencia ou
paternalismo. Creo que é mais ben unha cuestión de analizar onde reside a
demanda disto e quen é o perfil que maioritariamente a exerce, para entender se
realmente todo o que se nos vende como liberdade neste sistema capitalista o é.
Respecto á pornografía,
a autora reitera que incomoda ás grandes elites e á burguesía, retomando de
novo o referente á moral e a ética tradicional burguesa. Semella que a autora,
baixo os seus postulados anticapitalistas (que comparto), tenta lexitimar as
súas posturas, pero aquí son certamente incompatibles. A industria pornográfica
factura 60.000 millóns de dólares ao ano; de que xeito pode incomodar isto ao
sistema? Rexeita a idea de que o porno fomente a cultura da violación, alegando
que as violacións son anteriores á industria pornográfica. É certo, ninguén o
dubida; sabemos que con erradicar ou censurar a pronografía, non imos vencer ao patriarcadonin rematar ca cultura da violación. A sociedade é machista e a rede en ocasións, non é mais que un reflexo desa sociedade. O problema tampouco reside en que as xeracións (cada vez mais novas) falen de sexo, pero non está de mais recordar, que moitas das películas colgadas nestas webs pornográficas son unha potente ferramenta que representa e reproduce violacións, constituíndo, en moitos casos, o primeiro contacto de moit@s nen@s co concepto de relacións sexuais, pudendo ser visto como un modelo/ideal por el@s. Considero que é aquí onde radica a necesidade e importancia dunha educación sexual transversal, dende idades temperás. Defendo firmemente a necesidade de comezar a ver o sexo como algo natural e que deixe de ser un tabú social pero non considero que a pornografía contribúa a tal fin.
Nos últimos
capítulos, aborda aspectos como o famoso mansplaining e os sesgos discriminatorios en
base ao xénero, que empregaron con ela profesionais da saúde mental. É difícil
de crer pero aínda mais certo, que a día de hoxe dende o campo “dos saberes
superiores” das ciencias puras coma a medicina, existan profesionais que guiad@s
polos estereotipos de xénero lle resten importancia ás sintomatoloxías que pode
manifestar unha muller, sobre todo no referente á saúde mental.
En definitiva, pese
a haber puntos nos que non coincido coa autora, nunca está de mais escoitar
voces contrarias ás dunha mesma, para poder canto menos reflexionar e ter a
posibilidade de coñecer as argumentacións que poden levar a esas posturas.
Recomendaría o libro, en gran parte porque é unha lectura fresca e lixeira, non
se fai densa en ningún momento onde a autora afonda en aspectos moi
interesantes e controvertidos, sen ningunha delicadeza nin eufemismos
innecesarios; o cal se agradece.
Comentarios
Publicar un comentario