Proposta de normas para un TFM con perspectiva feminista.
Cando nos plantexamos as normas para a realización dun TFM con perspectiva de xénero, ao marxe do tema central do traballo, deberíamos de ter algunhas consideracións previas, especialmente no referente á linguaxe. Non penso que exista unha receita nin unha única forma de facelo ben, pero aí van as miñas propostas:
- Evitar o emprego de
formas duplas. En primeiro lugar, unha das alternativas sería empregar o
colectivo neutro, é dicir, en lugar de as/os mestras/es, empregar o
substantivo: profesorado. Ademais, cómpre ter en conta, que na forma dupla que
eu empreguei como exemplo, coloquei o feminino primeiro, cando a norma é que
aconteza dun xeito contrario. No caso de que non existise un colectivo neutro,
ou que esta proposta non convenza, tamén se podería apostar por outras formas como o emprego de: “@”, “X” ou
“*”. O mellor de empregar este tipo de alternativas, é que ademais de rematar
co sistema hexemónico binario na linguaxe, contribúese a ir incorporando estes recursos
ás áreas académicas. Semella que estas formas teñen un carácter informal ao
estar pouco estendidas no ámbito da investigación e nos contextos académicos; co
cal o idóneo sería comezar a empregalos, para unha maior visibilidade e
normalización do seu uso.
- Non todo é
perspectiva de xénero. A miúdo é habitual que na área da investigación, ao
empregar a variable sexo, xa se considere estar a empregar a perspectiva de
xénero. Utilizar a variable sexo non é mais subversivo ou feminista que
empregar a variable idade. É certo que nalgúns estudos, sobre todo nas ciencias,
sexa preciso empregar esta variable, pero o xeito de utilizala non encadra ese
traballo dentro dunha perspectiva de xénero propiamente dita.
- Atender á
diversidade. Se estamos a realizar un traballo ou estudo acerca dun colectivo,
debemos de tomar conciencia de que as persoas que o conforman poden ser moi heteroxéneas.
Pode parecer moi obvio, pero habitualmente coa linguaxe, transmitimos unha
mensaxe de uniformidade. Fraco favor lle facemos a ese colectivo ou grupo, se non somos quen de recoñecer estas diversidades
polo feito ter unha característica ou características comúns. A linguaxe pode
ser unha potente ferramenta para dar a entender esta diversidade. Un exemplo: en
lugar de dicir “a muller africana”, empregar o plural “as mulleres africanas”.
- En Galicia,
empregar o galego. O galego é unha lingua que se atopa en clara situación de
desvantaxe e ata de opresión. Ademais, como xa se viu nunha das sesións, as mulleres somos as primeiras en mudar ao castelán,
posto que estamos mais suxeitas a mecanismos como a linguaxe para promocionar socialmente.
Empregar o galego, non é unha elección sen mais, contribúe a manter viva a
lingua e a loitar contra o proceso desprestixio que sufriu e aínda sofre. Se
queremos devolverlle e outorgar o status
que merece, é preciso continuar producindo textos académicos e de investigación
en galego. Deste xeito, é moi probable que cada vez as mulleres muden menos ao
castelán.
- Sería interesante
non basearnos en prexuízos ou estereotipos preestablecidos para elaborar ou definir
certos perfís. É dicir, non existe un perfil das mulleres maltratadas, así como
tampouco o hai para os agresores, por exemplificalo dalgún xeito. Ao promover a
utilización dunha serie de criterios que debe reunir alguén para ser considerado como tal,
corremos o risco de fomentar e estender crenzas erróneas. Se hai un perfil de mulleres maltratadas,
cando atopemos mulleres que saen dese perfil estamos a restarlle credibilidade.
Indo un pouco mais alá, en liñas xerais, deberíanse de revisar as categorías socialmente
arraigadas para clasificar ás persoas ou incluso rachalas.
- Non dar nada por
sabido. Se non existe a certeza de se algún aspecto do traballo pode chegar a ser ofensivo ou erróneo
sobre un colectivo do que non se forma parte ou nin sequera hai reunida
suficiente información; o correcto sería tomar como fonte primaria a persoas
dese colectivo. Non se debe de falar por ninguén.
- Tentar mudar a
perspectiva masculina branca. No noso sistema universitario, a norma é estudar
figuras ou referentes occidentais masculinos. Poucas personalidades relevantes
que sexan mulleres e ademais doutros contextos culturais se contemplan nos
plans de estudo. Sería pois interesante que nos TFM doutras áreas do
coñecemento, onde se deban incluír estudos de diferentes autorías ou mencionar
figuras significativas, se lle dera visibilidade a mulleres e que estas non
foran exclusivamente occidentais.
Imaxe: Universitat de Valência
Comentarios
Publicar un comentario